கருப்பை வலுப்பெற-பாட்டி வைத்தியம்-25

தேங்காய் குரும்பலை அரைத்து சாப்பிட்டு வர  கருப்பை வலுப்பெறும்.

தேங்காய் குரும்பல்

தேங்காய் குரும்பல்

தேங்காய் குரும்பல்

அறிகுறிகள்:

1. கருப்பை வலுவின்மை.

தேவையான பொருட்கள்:

1. தேங்காய் குரும்பல்.

செய்முறை:
தேங்காய் குரும்பலை அரைத்து சாப்பிட்டு வர  கருப்பை வலுப்பெறும்.

கருப்பை வலுப்பெற-பாட்டி வைத்தியம்-24

அருகம்புல், செவ்வாழை பழம், மாதுளம்பழச் சாறு  ஆகியவற்றை தினமும் உணவில் சேர்க்க கருப்பை வலுப்பெறும்.

செவ்வாழைப்பழம்

அருகம்புல்

மாதுளம்பழம்

அறிகுறிகள்:

1. கருப்பை வலுவின்மை.

தேவையான பொருட்கள்:

1. அருகம்புல்.
2. செவ்வாழைப்பழம்.
3. மாதுளம்பழம்.

செய்முறை:
அருகம்புல் சாறு காலை உணவுக்கு முன் குடிக்கவும்.செவ்வாழை பழம் மதிய உணவுக்கு பின் சாப்பிடவும். மாதுளம்பழச் சாறு  இரவு உணவுக்கு பின் குடித்து வர கருப்பை வலுப்பெறும்.

மாதவிடாய் கோளாறு குறைய-பாட்டி வைத்தியம்-23

வெள்ளறுகு

வெள்ளறுகு

வெள்ளறுகு

அறிகுறிகள்:

• பெண்களுக்கு ஏற்படும் மாதவிடாய்க் கோளாறுகள்.

தேவையான பொருட்கள்:

1. வெள்ளறுகு.

செய்முறை:
வெள்ளறுகுச் செடியை தேவையான அளவு எடுத்து மாதவிடாயின் முதல் மூன்று நாட்கள் எலுமிச்சை அளவு அரைத்து நீரில் கலந்து குடித்து வந்தால் மாதவிடாய்க் கோளாறுகள் குறையும்.

மாதவிலக்கையே தள்ளிப்போட முடியுமே??

தோழியின் திருமணம், குழந்தையின் பள்ளி விழா, குலதெய்வக் கோயில் உற்சவம், பக்கத்து வீட்டுக் கிர ஹப்பிர வேசம்… இப்படி முக்கியமான நாட்கள் வரும் போது எல்லாம், ‘அந்த நாளி ல் மாதவிலக்கு வந்து விட்டால்…’ என்னா வது என்கிற பதற்ற மும் பெண்களுக்குப் பற்றிக் கொள்வது அந்தக் காலம்.



இதுவோ…. ”மாதவிலக்கைத் தள்ளிப் போ ட க்கூடிய மாத்திரைகள் மார்க்கெட்டில் நிறைய கிடைக்கின்றன. அவற்றைப் போட் டுக்கொண்டால்… மாதவிலக்கையே தள்ளிப்போட முடியுமே! விசேஷ நாட்களையும் ஜாலியாகக் கொண்டாட முடியுமே!” என்று குஷியாகும் பெண் களின் காலம்!



இவர்களில் பலரும், ‘இப்படி மாத்திரைகளை இஷ்டத்துக்குப் பயன் படுத்துவது ஆபத்தானது’ என்கிற அறிவுரைகளையெ ல்லாம் தெரிந் தோ… தெரியாமலோ கடந்து போய்க் கொண்டே இருக்க… கடைசியில் அதுவே பேராபத் தாக வந்து படுத்தி எடுக்க ஆரம்பித்து விடுகிறது என் பதுதான் உண்மை.



‘மாதவிலக்கைத் தள்ளிப்போட மாத்திரைகளைப் பய ன்படுத்துவது எந்த அளவுக்கு சரி?’ என்றபடி மகப் பேறு மருத்துவர் ஜெயம் கண்ணனிடம் பேசினோம்.



”மாதவிடாயைத் தள்ளிப்போட நினைப்பவர்கள்… மருத்துவர்களி ன் ஆலோசனைகளைப் பெறாமல் மாத்திரைகளின் பெயரைச் சொல்லி வாங்கிக் கொள்கிறார்கள். இது உடலைப் பெரிய அளவில் பாதி க்கச் செய்யும். பீரியட்ஸ் வருவதே தெரியாத அளவுக்கு பாது காப்பான நாப்கின்ஸ் இப்போது கிடைக்கிறது. அப்படியிருக்க, மாத்திரைகளைப் பயன்படுத்தி மாதவிலக்கை ஏன் தள் ளிப்போட வேண்டும்? இயற்கைக்கு மாறாக நாம் நிகழ்த்தும் எந்தச் செ யலுமே தவறானதுதான்” என்ற டா க்டர்,



”விசேஷமான நாட்களில் மாதவி லக்கு ஏற்பட்டால், சங்கோஜமாக த்தான் இருக்கும். ஆனால், அதை த் தள்ளிப்போடும் எண்ணத்தில் மாத்திரை களைச் சாப்பிடும்போது உடலுக்குத் தேவையற்ற சங்கடமாகிவிடும். மாதவிடாய் விஷயத்தில் மட்டும் அல்ல… எதற்காகவும் மாத்திரைகளைப் பயன்படுத்து ம் போது டாக்டரின் அறிவுரையை அவசியம் கேட்க வேண்டும்” என்று அழுத்தமாகச் சொ ன்னவர், மாத்திரைகளைப் பயன் படுத்துவது பற்றிய விஷயத்துக்கு வந்தார்.



”கடைகளில், ‘புரஜெஸ்ட்டரோன்’ (progesterone) கலந்த மாத்தி ரைகள் கிடைக்கின்றன. மூன்று முதல் ஐந்து நாட்கள்வரை அதனை எடுத்துக் கொள்ளலாம். எந்தவித பக்க வி ளைவும் இருக்காது. இருந்தும், ஒவ்வொரு வரின் உடலும் ஏற்றுக்கொள்ளும் விதமாக மாத் திரைகளின் செயல்பாடு அமைவது இல்லை. இதனால், மாத விலக்கு தள்ளிப் போக மாத்திரை போடுபவர்கள், முதலில் கர்ப்பப்பையை ஸ்கேன் செய்து கொள்ள வேண்டியது அவசியம். யூட்ரஸின் நிலை, ஏதேனும் பிரச்னை இருக்கிறதா, வயிற்று வலி, அல்சர், மாதவிடாய் கோளாறு, கர்ப்பப்பை கேன்சர் பாதிப்பு என எது வேண்டுமானாலும் நம்மை தாக்கி இருக்கலாம். அது குறித்து தெரியாமல் மாத்திரைகளைச் சாப்பிட்டால்… அத்தகைய பாதிப்புகள் பன்மடங்காகி, உடலை வரு த்திவிடும் வாய்ப்பு இருக் கிறது. டாக்டரி ன் அட்வைஸ் இல்லாமல் மாதவிலக்கு மாத்திரை களை உட்கொள்வதால் உடல் எடை கூடுவது, வயிற்றுப் புரட்டல், வா ந்தி, வாய்க்கசப்பு உள்ளிட்ட பல பாதிப் புகள் ஏற்படலாம். சிலருக்கு ‘மைக்ரேன்’ எனப்படும் ஒற்றைத் தலை வலியும் வர வாய்ப்பு இருக்கிறது.



இப்படி மாத்திரைகளைச் சாப்பிடும் போ து… மாதவிடாய் சுழற்சியும் மாறுபடும். அடுத்த மாத சுழற்சியை உடம்பு டேக் ஓவர் பண்ணாது. 100 மீட்டர் ரிலே ரேஸ் போகும்போது, குறிப்பிட்ட இடத்தில் அந்த ஸ்டிக்கை இன்னொருவர் வாங்க வேண்டும். இல்லை என்றால், ஓடியவர் நின்று கொண் டேதான் இருக்கவேண்டும். அதேபோல்தான் அடுத்த மாதவிடாய் சுழற்சி யை உடல் ஏற்றுக் கொள்ளாமல் போகும்போது… ரத்தப்போக்கு அதிகரிக்கும். நம் உடம்பின் உஷ்ணமும் அதிகமாகும்!” என விளக்க மாகச் சொன்ன ஜெயம் கண்ணன்,



”இந்தியாவில் வலி நிவாரணிக்கும், வைரஸ் பாதிப்பு உள்ளிட்டவ ற்றுக்கும் சேர்த்தே மாத்திரைகளைத் தயாரிக்கும் வழக்கம் இருக்கிறது. கடைகளிலும் தாராளமாகக் கிடைக்கிறது. இதனால் ஏற்படும் பக்க விளைவுகள் அதிகம். வெளிநாடுகளில் வலி நிவாரணி, ஹார்மோன் மாத்தி ரைகள் என எது கேட்டாலும், கடைகளில் கொடுக்க மாட்டா ர்கள். டாக்டரின் சிபாரிசு இருந் தால் மட்டுமே வாங்க முடியும். ஆனால், இங்கே மாத விலக் கைத் தள்ளிப்போட நினைக்கும் ஒரு பெண் சர்வசாதாரணமாக அதற்கான மாத்திரைகளின் பெ யரைச் சொல்லி மெடிக்கல் ஸ் டோரில் வாங்கிச் செல்கிறார். தா ன் செய்வது எவ்வளவு அபாயமா னது என்பது பற்றி அவர்களுக்குத் தெரிய வில்லை” என்று கவ லையை வெளிப்படுத்தியதோடு, தலைகோதும் தாயாகவும் மாறி இப்படிச் சொன்னார்-



’‘மாதவிடாய் மாத்திரை, கருத்தடை மாத்திரை அளவு க்கு ஆபத்தை விளைவிக்க கூடியது இல்லை. ஆனாலும், சிறு பாதிப்புகள்கூட ஏற்ப டாத அளவுக்கு நம் உடலைப் பாதுகாப்பது அவசியம். பெ ண்ணின் உடல் பூவுக்குச் சம மானது. மாத்திரைகளின் வீரியம் தெரியாமல், அவற் றைப் பயன்படுத்தும்போது அந்தப் பூ எத்தகைய அவ திக்கு உள்ளாகும் என்ப தை உணரவேண்டும். முடிந்த மட்டும் இயற்கைக்கு மாறாக மாத சுழற்சியைத் தள்ளிப்போடுவதைத் தவிர்க்க வேண்டும். இக்கட் டான சூழலில் மாத்திரைகளைப் பயன்படுத்தும்போது மருத்துவ ரின் உரிய அறிவுரை யைப் பெற்றே பயன்படுத்த வேண்டும்!”

பெண்களை அதிகம் பாதிக்கும் உதிரப்போக்கு...!!

பெண்களுக்கு அதிகரித்த மாதவிடாய் போக்கு உடல் சோர்வு அசதி, வெறுப்பு, இடுப்பு, வலி, உடல் வெளுப்பு, வீக்கம் ஆகியவை இந்த நோய்க்கான அறிகுறிகள். இதை பெரும்பாடு என்றும் அழைப்பார்கள்.

முறையற்ற கருக்கலைப்பு, கருத்தடை சாதனங்களை பயன்படுத்துவதில் ஏற்படும் ஒவ்வாமை, கருப்பை அழற்சி மற்றும் இடம் பெயர்தல் கரு உறுப்புகளில் கட்டிகள், கழவைகள் புற்றுநோய் ஏற்படுதல், அதிக ரத்தசோகை, நாளமில்லா சுரப்பிகளின் மாறுபட்ட செயல்திலை உள்ளிட்ட காரணங்களாலும் அதிகப்படியான மாதவிடாய் போக்கு ஏற்படலாம்.

சாதாரண நிலையை விட அதிகப்படியான மாதவிடாய் போக்கு காணப்பட்டால் கைப்பக்குவ மருந்தாக, நாவற்பட்டை குடிநீர் தயார் செய்து குடிக்கலாம். அதாவது 10 கிராம் நாவற்பட்டையை ஒன்றிரண்டாக இடித்து 200 மில்லி தண்ணீரில் போட்டு நன்றாக கொதிக்க வைத்து 50 மில்லியாக வந்ததும் வடிகட்டி தினமும் 2 வேளை குடிக்க கொடுக்கலாம்.

10 கிராம் அசோகுப்பட்டையை இடித்து 200 மில்லி தண்ணீர் விட்டு கொதிக்க வைத்து வடிகட்டி குடிநீராக தினமும் 2 வேளை குடிக்கலாம். அதிக மாதவிடாய் போக்கு இருந்தால் காரமான உணவுகளை தவிர்த்து விடுவது நல்லது.இது அசோகா அரிஷ்டம் என்ற பெயரில் டானிக்காகவும் கடைகளில் கிடைக்கிறது..டாபர் நிறுவன தயாரிப்பில் வருகிறது..வேறு பல நிறுவனங்களும் இதை விற்பனை செய்கின்றன..இதை வாங்கியும் பயன்படுத்தலாம்.

இளஞ்சூடான, காரம் குறைந்த உணவுகள், வாழைப்பூ உணவுகள் ஆகியவற்றை தாராளமாக சாப்பிடலாம். சித்த மருத்துவத்தில் தயாரிக்கப்பட்ட சிலாசத்துப் பற்பம் 200 மில்லி கிராம் எடுத்து 5 முதல் 10 மல்லி நெய் அல்லது வெண்ணெயில் கலந்து தினமும் 2 வேளை கொடுக்கலாம்.

குங்கிலிய பற்பம், படிகப் பூங்காவி செந்தூரம் ஆகியவையும் சிறந்த மருத்துப் பொருட்கள். வெண் பூசணி லேகியத்தை 5 முதல் 10 கிராம் அளவில் தினமும் 2 வேளையாக அரை தம்ளர் பாலுடன் கலந்து சாப்பிடலாம்.

சினைப்பை (சூலக) நீர்க்கட்டி (PCOD - PCOS) !

 

Normal ovary and polycystic ovary

 

Poly (பாலி) என்பது பல
Cyst (சிஸ்ட்டிக்) எனப்படுவது தண்ணீர் நிரம்பிய கட்டி.
OVARY (ஓவேரியன்) எனப்படுவது பெண்களின் சூலகம்.
Disease (டிஸீஸ்)என்பது நோய்.

ஓவரி (OVARY) எனப்படுவது பெண்களின் சூலகம். இது கரு முட்டைகளை (அண்ட அனுக்கள்) உருவாக்கி கருவாக்கம் நடைபெற்று குழந்தை உருவாகிறது.

ஒரு பெண்ணின் சூலகத்திலே நீர் கட்டிகள் பல உருவாவதே Poly Cystic Ovarian Disease (PCOD) எனப்படுகிறது.

Poly Cystic Ovarian Disease ஆனது பல அறிகுறிகளை (Syndrome) உருவாக்குகிறது. அந்த அறிகுறிகள் Poly Cystic Ovarian Syndrome (PCOS) என்று அழைக்கப்படுகிறது.

அறிகுறிகள்
- குழந்தையின்மை - சூலகத்தில் சிறு சிறு நீர் கட்டிகள் பரவலாக காணப்படுவதால் சினை முட்டை முதிர்ச்சி அடைந்து வெளிவருவது தடைபடுகிறது. இதனால் பெண்கள் கருத்தரிப்பதில் சிரமங்கள் ஏற்படுகிறது.

- ஹார்மோன் குறைபாடு - சூலக நீர்க்கட்டிகளை உடைய பெண்களுக்கு ஆண் தன்மை ஹார்மோன் அதிகமாக சுரக்கிறது.

- ஒழுங்கற்ற மாதவிடாய் - சூலக நீர்க்கட்டிகள் உடைய பெண்களுக்கு மாதவிடாய் சுழற்சி சரியாக வராது. 2 - 3 மாதங்களுக்கு ஒருமுறை மாதவிடாய் சுழற்சி வரும். சிலருக்கு இரத்தப்போக்கு குறைவாக இருக்கும். சிலருக்கு மிகுதியாக இருக்கும்.

- முகத்தில் முடி வளர்தல் - ஆண்மைத் தன்மை பெண்களுக்கு ஏற்படுவதால் ஆண்களைப் போல இவர்களுக்கு லேசாக முகத்தில் (மேலுதடு, கீழ்தாடை) முடி வளர ஆரம்பிக்கிறது. உடலிலும் (மார்பு, முதுகு, அடிவயிறு, தொடை, கைகளில்) முடி வளரலாம்.

- எடை அதிகரித்தல் - மாதவிடாய் தள்ளிப்போவதால் உடல் எடை அதிகரிக்கிறது..

- முகப்பரு வரலாம்.

- நிற மாற்றம் - உடலில் சில இடங்களில் (கழுத்து, தொடையின் உட்பகுதி, அக்குள் பகுதி) கருமை நிறம் அதிகரித்து காணும்.

இந்த அறிகுறிகள் பாதிக்கப்பட்ட அனைத்து பெண்களுக்கும் இருக்கும் என்றில்லை. சூலக நீர்க்கட்டிகள் இருக்கும் போதே குழந்தைகள் பல பெற்ற பெண்கள் நிறைய பேர் இருக்கிறார்கள். குழந்தை பெற்ற பின்பு கூட சூலக நீர்க்கட்டிகள் வரலாம்

காரணம்
சினைப்பை நீர்க்கட்டிகள் உருவாக காரணங்கள்

- நோய்க்கான காரணத்தை இதுவரை சரியாக கண்டுபிடிக்க முடியவில்லை. இருந்த போதும் ஹார்மோன்களின் ஏற்றத்தாழ்வுகளால் இந்நோய் உண்டாகிறது என ஆராய்ச்சிகள் தெரிவிக்கின்றன.

- பெரும்பாலும் இளம்பெண்களே அதிகமாக பாதிக்கப்படுகின்றனர். 15 முதல் 25 வயதுள்ள பெண்களுக்கு தற்போது அதிகமாக இந்நோய் அதிகமாக காணப்படுகிறது.

- வாழ்க்கையில் ஏற்பட்டுள்ள மாற்றங்களும் வேலைப்பளுவும், மன அழுத்தமும் முக்கிய காரணமாக இருக்கிறது.

- கருத்தரிக்க இயலாமல் போகும் பெண்கள் குடும்பத்திலும், சமூகத்திலும் பல போராட்டங்களை சந்திக்கின்றனர்.

ஆய்வக பரிசோதனைகள்
ஸ்கேன் செய்வதன் மூலம் சினைப்பை நீர்க்கட்டிகளை உறுதிப்படுத்தலாம்.
ஹார்மோன்கள் சோதனை செய்வதன் மூலமும் கண்டறியலாம்.

ஆலோசனைகள்

- உடல் எடையை குறைத்தல் - உடற்பயிற்சி, நடைபயிற்சி மேற்கொள்ளலாம்.

- உணவு கட்டுப்பாட்டு - அதிக கொழுப்பு மிக்க பால் பொருட்கள், சாக்லேட், ஐஸ்கிரீம், ஆட்டிறைச்சி, எண்ணெயில் பொரித்த பலகாரங்கள், இனிப்பு வகைகளை குறைத்துக்கொள்ள வேண்டும், தவிர்த்தல் நல்லது. காய்கறி, கீரை இவற்றை அதிகம் சாப்பிட வேண்டும்.

- புகை - புகைப்பிடிக்கும் பெண்களாக இருந்தால் அந்த பழக்கத்தை அறவே விடவேண்டும்.

மருத்துவம்

மாதவிடாய் சீராக வெளிப்படுதலைத் தூண்ட நவீன மருத்துவர்கள் ஹார்மோன் சிகிச்சை அளிக்கின்றனர். பொதுவாக இம்மாதிரியான சிகிச்சையால் பக்க விளைவுகள் ஏற்பட வாய்ப்புண்டு என்பதை மறுப்பதிற்கில்லை.

ஹோமியோபதி மருத்துவ சிகிச்சை
நோயின் அறிகுறிகளுக்கேற்ப ஹோமியோபதி மருந்துகள் உட்கொள்வதின் மூலம் கருத்தரிக்கும் வாய்ப்பு உண்டாகும் என்பதால் சினைப்பை நீர்க்கட்டிகள் உள்ளவர்கள் ஹோமியோபதி சிறப்பு மருத்துவரின் ஆலோசனையை பெறுவதன் மூலம் நல்ல பலன் பெறலாம்.

எப்போது மருத்துவரை சந்திக்கவேண்டும்

- 14 வயதாகியும் மாதவிலக்கு ஆரம்பிக்காவிட்டால்.

- ஒரு வருடத்திலே எட்டுக்கும் குறைவான மாதவிடாய் ஏற்படுகிறது என்றால்.

- மார்பு , முகம் போன்ற இடங்களிலே முடி வளர்ந்தால்.

- உடற்பருமன் அளவுக்கதிகமாக அதிகரித்தால்

- அளவுக்கு அதிகமாக முகப் பரு ஏற்பட்டால்.

- கழுத்து மற்றும் அக்குள் தொடை பகுதிகளிலே கருமை நிறமாற்றம் காணப்பட்டால். உடனே மருத்துவரை சந்திக்கவும்.

சித்த வைத்தியம் என்ன சொல்கிறது ?

சினைப்பை நீர்க்கட்டி : சித்த மருத்துவம் மாயமாக்கும்

பெண்ணுக்கு மாதவிடாய்ச் சுழற்சி ஒழுங்கற்று இருந்தால், முதலில் அதைச் சீராக்க சிறப்பு உணவு அவசியம். பெரும்பாலும் இன்று. சீரற்ற மாதவிடாய்க்கு சினைப்பை நீர்க்கட்டி தான் முதல் காரணமாக இன்று கற்பிக்கப்பட்டு உடனடியாக, இரத்த இன்சுலின் அளவைக் குறைக்கும் மருந்துகள் பரிந்துரைக்கப்படுகின்றன. சினைப்பை நீர்க்கட்டிகள் (poly cystic ovary) குறித்த தேவையற்ற அலாதி பயமும் உள்ளது. மாதவிடாய் நாட்களின் ஒழுங்கின்மை தவிர வேறு பிரச்னைகள் சினைப்பை நீர்க்கட்டிகளால் கிடையாது. கருமுட்டையானது கருப்பையைப் பற்றும் நாள் தாமதப்படுவது தான் ஒழுங்கற்ற மாதவிடாய்க்குக் காரணமே தவிர, மலட்டுத்தன்மைக்கு சினைப்பை நீர்க்கட்டிகள் ஒருபோதும் காரணமாயிருக்காது. ”பாலி சிஸ்டிக் ஓவரி”, என்று தெரிந்தால், செய்ய வேண்டியது எல்லாம், உணவில் நேரடி இனிப்புப் பண்டங்களைத் தவிர்ப்பதும், நார்ச்சத்து நிறைய உள்ள கீரைகள், லோ கிளைசிமிக் (Low Glycemic foods) உணவுகள் அதிகம் எடுத்துக் கொள்வதும் தான்.

இது தவிர பூண்டுக் குழம்பு, எள்ளுத் துவயல், கருப்புத் தொலி உளுந்து சாதமும் ஹார்மோன்களைச் சீராக்கி இந்த PCOD பிரச்சினையை தீர்க்க உதவிடும். சுடுசாதத்தில், வெந்தய பொடி 1 ஸ்பூன் அளவில் போட்டு மதிய உணவை எடுத்துக் கொள்வதும் நல்லது.

மாதவிடாய் வரும் சமயம் அதிக வயிற்று வலி உள்ள மகளிர் எனில் சோற்றுக் கற்றாழையின் மடலினுள் உள்ள, ஜெல்லி போன்ற பொருளை இளங்காலையில் இரண்டு மாதம் சாப்பிட்டு வரவேண்டும். சிறிய வெங்காயம் தினசரி 50கிராம் அளவாவது உணவில் சேர்ப்பதும் pcod பிரச்சினையை போக்கிட உதவும்.

Opinion 2

சினைப்பை நீர்க்கட்டி பிரச்னை இருந்தால் பதறவோ அல்லது பயப்படவோ வேண்டியதில்லை. உணவு, உடற்பயிற்சி, மருந்துகள் மூலம் சினைப்பை நீர்க் கட்டி பிரச்னைக்கு முழுமையாகத் தீர்வு காண முடியும். முழுமையாகக் குணப்படுத்த முடியும்.

பிரச்னைக்குக் காரணம் என்ன? சினைப்பை நீர்க்கட்டி பிரச்னை உள்ள பெண்கள், முதலில் உடலின் எடையைக் குறைக்க வேண்டும். ஏனெனில் உடலின் கூடுதல் எடை, கபத்தின் அடையாளம். சித்த மருத்துவத்தின் அடிப்படையில் அதிக கபம் காரணமாக சினைப்பையில் நீர்க்கட்டிகள் உருவாகின்றன.

நவீன மருத்துவமும் இதற்கு "ஹைப்பர் இன்ஸýலினிமியா'வைத்தான் காரணம் எனக் கருதி சர்க்கரை நோய்க்கான மருந்துகளைப் பரிந்துரைக்கிறது.

எடை குறைய...: தினமும் 3 கி.மீ. தொலைவுக்கு வேகமான நடை, பிராணாயாமப் பயிற்சி உள்ளிட்ட யோகாசன பயிற்சி ஆகியவை உடல் எடையைக் குறைக்க உதவும். மூலிகைத் தைல பிழிச்சல், மூலிகைப் பொடிகள் மூலம் மசாஜ், பஞ்சகர்மா சிகிச்சை உள்ளிட்டவற்றை மேற்கொள்ளலாம்.

உணவு முறை என்ன?

பசியைப் போக்கும் தன்மை உடைய, அதே சமயம் உடல் எடையை அதிகரிக்காத உணவைச் சாப்பிடத் தொடங்க வேண்டும். அதாவது, ரத்தத்தில் சர்க்கரையை மெதுவாகவே உயர்த்தும் உணவை ("லோ கிளைசமிக் ஃபுட்ஸ்') சாப்பிட வேண்டும். கைக்குத்தல் அரிசி, கீரை உள்ளிட்ட நார்ச்சத்துள்ள காய்கறிகள், பழங்களைச் சாப்பிட வேண்டும். வெந்தயம், பூண்டு, தொலி உளுந்து, சிறிய வெங்காயம் ஆகியவை சினைப்பை நீர்க்கட்டிகளை நீக்க இயல்பாகவே பெரிதும் உதவும்.

சோற்றுக் கற்றாழை, விழுதி, மலைவேம்பு மற்றும் அசோகு ஆகிய மூலிகைகளைக் கொண்டு தயாரிக்கப்படும் சித்த மருந்துகள் சினைப்பை நீர்க்கட்டிகளைப் போக்க உதவும்.

மீசை வளர்வது ஏன்?

சினைப்பை நீர்க்கட்டி பிரச்னை உள்ள பெண்களுக்கு, ஆண் ஹார்மோனாகிய டெஸ்டோஸ்டீரோன் அதிக அளவில் சுரக்கும்; இதனால்தான் தேவையற்ற இடங்களில் மீசை வளர்ந்து தர்மசங்கடம் ஏற்படுகிறது.

சினை முட்டை உடைவதில் ஏற்படும் தாமதமே, கருத்தரிப்பதிலும் தாமதத்தை ஏற்படுத்தி விடுகிறது. பிரச்னையைத் தீர்க்க தாற்காலிகமாக உதவும் அலோபதி மருந்துகளைக் காட்டிலும், சரியான உணவு - உடற்பயிற்சி - யோகா - சித்த மருத்துவ சிகிச்சை ஆகியவை மூலம் சினைப்பை நீர்க்கட்டி துன்பம் முற்றிலுமாக நீங்கும்.